نێودەوڵەتی

سعودیە؛ ژن دوەم پۆستی باڵا وەردەگرێت

شكۆی كوردستان-

دوای ئه‌وه‌ی ئه‌مال بنت یه‌حیا معلمی له‌به‌رده‌م شا سه‌لمان بن عه‌بدولعه‌زیز پادشای سعودیه‌ سوێندی یاسایی خوارد، وه‌ك باڵیۆزین شانشیینی ئه‌و وڵاته‌ له‌ نه‌رویج دیاریكرا، ئه‌مه‌ش ده‌بێته‌ دوەم‌ ژن له‌ سعودیه‌ كه‌ پۆستی باڵیۆز وه‌ربگرێت.

میدیای فه‌رمی سعودیه‌ بڵاویكرده‌وه‌، به‌ر له‌دو ساڵ ، شازاده‌ ریما بنت به‌نده‌ر ئالسعود وه‌ك باڵیۆزی ریاز له‌ واشنتن ده‌ستبه‌كاربو، ئه‌مڕۆش ئه‌مال بنت یه‌حیا معلمی وه‌ك باڵیۆزی نوێی وڵاته‌كه‌ی له‌ نه‌رویج سوێندی یاسایی خوارد.

ئه‌مه‌ل معه‌لمی خوشكی عه‌بدوڵا معه‌لمی نوێنه‌ری هه‌میشه‌یی سعودیه‌‌ له‌نه‌ته‌وه‌ یه‌كگرتوه‌كانه‌

میدیاكانی سعودیه‌ تێبینی ئه‌وه‌یان كردوه‌ كه‌ ” ئه‌مه‌ل معه‌لمی خوشكی عه‌بدوڵا معه‌لمی نوێنه‌ری هه‌میشه‌یی سعودیه‌‌ له‌نه‌ته‌وه‌ یه‌كگرتوه‌كانه‌، هه‌روه‌ها پێشتر پۆستی له‌بواری په‌روه‌رده‌و گه‌شه‌پێدانی كۆمه‌ڵایه‌تی و مه‌شقكردندا وه‌رگرتوه‌، له‌ به‌رگریكردنی مافه‌كانی ژنان له‌كۆمه‌ڵگه‌ی سعودیه‌ رۆڵی به‌رچاوی هه‌بوه‌.

بینینی زیاتر

بابەتی هاوشێوە

Back to top button
Close