کوردستانی

پەرلەمانی عێراق بازنەکانی هەڵبژاردن لە کەرکوک و نەینەوا یەکلادەکاتەوە

شكۆی كوردستان-

كاتژمێر 6:00ـی ئێوارەی ئەمڕۆ پەرلەمانی عێراق کۆدەبێتەوە و پرسی تەواوکردنی بازنەکانی هەڵبژاردن لە هەردو پارێزگای  کەرکوک و نەینەوا یەکلادەکاتەوە، دوای ئەوەی رۆژی شەممە بازنەکانی هەڵبژاردنی 16 پارێزگاکەی دیکەی عێراق دەنگیان لەسەر درا.

پەرلەمانی عێراق ئەمڕۆ دوشەممە کاتژمێر 6:00ـی ئێوارە کۆدەبێتەوە

راگەیاندنی پەرلەنی عێراق بڵاویکردەوە، ئەمڕۆ دوشەممە کاتژمێر 6:00ـی ئێوارە کۆدەبێتەوە و خوێندنەوە و گفتوگۆ لەسەر ژمارەیەک بڕیار و پڕۆژەیاسا دەکرێت.

یەکلاییکردنەوەی بازنەکانی هەڵبژاردنی کەرکوک و نەینەوای بۆ رۆژی دوشەممە دواخراوە

رۆژی شەممە پەرلەمانی عێراق دەنگی لەسەر تەواوکردنی یاسای هەڵبژاردنەکاندا و بازنەکانی هەڵبژاردنی لە 16 پارێزگا یەکلاییکردەوە، بەڵام یەکلاییکردنەوەی بازنەکانی هەڵبژاردنی کەرکوک و نەینەوای بۆ رۆژی دوشەممە دواخست بەمەبەستی دروستکردنی کۆدەنگی سیاسی لەنێوان پێکهاتەکانی هەردو پارێزگاکەدا.

بازنەکانی هەڵبژاردن لە پارێزگاکانی هەرێم بەم شێوەیە دابەشکراون:

پارێزگای هەولێر

سنوری پارێزگای هەولێر کە 15 کورسی لە پەرلەمان هەیە بەم شێوەیە بەسەر چوار بازنەدا دابەشکراوە: 

قەزاکانی سۆران، مێرگەسۆر، رواندز، چۆمان و شەقڵاوە یەک بازنە هەڵبژاردنن و چوار نوێنەریان دەچێتە پەرلەمان

قەزاکانی دەشتی هەولێر، کۆیە و خەبات  یەک بازنە هەڵبژاردنن و چوار نوێنەریان دەچێتە پەرلەمان

بەشی رۆژهەڵاتی شاری هەولێر یەک بازنەی هەڵبژاردن دەبێت و دوو نوێنەری دەچێتە پەرلەمانی عێراق.

بەشی رۆژئاوای شاری هەولێر یەک بازنەی هەڵبژاردن دەبێت و دوو نوێنەری دەچێتە پەرلەمانی عێراق.

پارێزگای سلێمانی

پارێزگای سلێمانی کە 18 کورسی لە پەرلەمان هەیە بەم شێوەیە بەسەر پێنج بازنەدا دابەشکراوە: 

باکوری قەزای سلێمانی، شارباژێر و ماوەت یەک بازنەی هەڵبژاردنن و چوار نوێنەریان دەچێتە پەرلەمان

باشوری قەزای سلێمانی و قەرەداغ  یەک بازنەی هەڵبژاردنن و سێ نوێنەریان دەچێتە پەرلەمان

هەڵەبجە، سەیدسادق، شارەزو و پێنجوێن یەک بازنەی هەڵبژاردنن و سێ نوێنەریان دەچێتە پەرلەمان

قەڵادزێ، رانیە و دوکان یەک بازنەی هەڵبژاردنن و چوار نوێنەریان دەچێتە پەرلەمان

کەلار، کفری، چەمچەماڵ و دەربەندیخان  یەک بازنەی هەڵبژاردنن و چوار نوێنەریان دەچێتە پەرلەمان

پارێزگای دهۆک

پارێزگای دهۆک کە 11 کورسی هەیە لەپەرلەمان و بەم شێوەیە بەسەر سێ بازنەدا دابەشکراون:

قەزای دهۆک و ئامێدی یەک بازنەی هەڵبژاردنن  و چوار نوێنەریان دەچێتە پەرلەمانی عێراق

قەزاکانی زاخۆ و سێمێل یەک بازنەی هەڵبژاردنن  و سێ نوێنەریان دەچێتە پەرلەمانی عێراق

قەزاکانی ئاکرێ، شێخان و بەردەڕەش یەک بازنەی هەڵبژاردنن  و چوار نوێنەریان دەچێتە پەرلەمانی عێراق

بینینی زیاتر

بابەتی هاوشێوە

Back to top button
Close