نێودەوڵەتیڕۆژنامە

قائانی: لەئەمریكاوە تۆڵەی قاسم سولەیمانی دەكەینەوە

شكۆی كوردستان-

ئیسماعیل قائانی فەرماندەی سوپای قودسی پاسدارانی ئێران و جێگرەوەی قاسم سولەیمانی رایگەیاند، لەناوخۆی ئەمریکاوە وەڵامی کوشتنی “حاجی قاسم” دەدەینەوە.

لەناوخۆی ئەمریکاوە وەڵامی کوشتنی “حاجی قاسم” دەدەینەوە

بەگوێرەی هەواڵێکی ئاژانسی سپوتنیک، ئەمڕۆ هەینی لەیەکەم رۆژی ساڵی نوێدا، ئیسماعیل قائانی فەرماندەی سوپای قودسی پاسدارانی ئێران پەیامێکی هەڕەشەئامێزی ئاراستەی ئەمریکا کرد و رایگەیاند، لەناوخۆی ئەمریکاوە وەڵامی کوشتنی “حاجی قاسم” دەدەینەوە.

ئەو لێدوانانەی قائانی لەمیانی بەڕێوەچونی یەکەم ساڵیادی کوشتنی قاسم سولەیمانی فەرماندەی پێشوی سوپای قودسی پاسداران هات لەناو هۆڵی زانکۆی تاران.

لەدواین دیداری لەگەڵ عەلی خامنەیی رێبەری باڵای کۆماری ئیسلامی ئێران، قاسم سولەیمانی سێ مەدالیای وەفاداریی و دۆڵسۆزی و ئازایەتی وەرگرتوە

قائانی ئاشکراشیکرد، لەدواین دیداری لەگەڵ عەلی خامنەیی رێبەری باڵای کۆماری ئیسلامی ئێران، قاسم سولەیمانی سێ مەدالیای وەفاداریی و دۆڵسۆزی و ئازایەتی وەرگرتوە.

رۆژی سێی کانونی دوەمی 2020 قاسم سولەیمانی و ئەبو مەهدی موهەندیس فەرماندەی باڵای حەشدی شەعبی کەوتە بەر هێرشی فڕۆکەیەکی بێفرۆکەوانی ئەمریکا و کوژران.

بینینی زیاتر

بابەتی هاوشێوە

Back to top button
Close