کوردستانی

مەلا بەختیار: سەرۆكی یەكێتیمان قبوڵ نییە

شکۆی کوردستان-

مەلا بەختیار، ئەندامی پێشووی ئەنجومەنی باڵای سیاسی و بەرژەوەندی یەكێتی لە چاوپێکەوتنێکی تەلەفیزیۆنیدا ڕایگەیاند کە كەس لەخۆی بە دڵسۆزتر نازانێ بۆ یەكێتی و سەرۆكی یەكێتیشی قبوڵ نییە.

مەلا بەختیار، لە چاوپێكەوتنەکەدا وتی:” “ئەم سەركردایەتیەی ئێستای یەكێتی لە مێژوو و سیاسیەتی یەكێتی نازانن، ئێمە بۆیە لە ئەنجومەنی باڵابووین لەبەر ئەوەی كەسمان بەسەرۆك قبوڵ نەبوو، ئەمجارەش قبوڵمان نییە، ئێستا ئەنجومەنی باڵا ئۆرگانێكە لەو ئۆرگانانەی یەكێتی كە بافڵ تاڵەبانی دەتوانێت بڕیاری لەسەر بدات”.

ئەو وتیشی:”لەگەڵ بافڵ تاڵەبانی رێكنەكەوتین لەسەر ئەنجومەنی باڵا و سەرۆكی ئێستامان قبوڵ نەبوو، لە كۆنگرەی پێنجەمدا پێشتر هەموو شتێك بڕابووەو هەموو سیناریۆكەی دانرا بوو”.

ئاماژە بەوەش دەكات “یەكێتی نەیتوانیوە ببێت بە حزب، یەكێتی كێشەی بونیەوی هەیە ‌و رووداوی چاوەڕوان نەكراو دێنە پێشەوە کە یەكێتی رادەچڵەكێنێت، سەردەم سەردەمی مەركەزییەت نەماوە و مەركەزییەت لەناو یەكێتی سەركەوتوو نابێت”.

بینینی زیاتر

بابەتی هاوشێوە

Back to top button
Close