کوردستانی

ئەژی ئەمین پەیامێکی بڵاوکردەوە

شکۆی کوردستان-

هاووڵاتیانى کوردستان و ڕۆژهەڵاتى نیشتیمان
شۆڕش گێڕان و پێشمەرگەکانى ڕێگاى ڕزگارى کوردستان

لە بۆنەی ٧٨ەمین ساڵڕۆژى دامەزراندنى کۆمارکوردستاندا لە مەهاباد، گوڕ و تینی خەبات وەبیر هەموومان دێنینەوە و پیرۆزبایى ئەو ساڵڕۆژە مەزنە لە هەموو شۆرشگێڕانى گەلەکەمان دەکەم، بەتایبەت ڕۆحی زیندووی پێشەواى شەهید، قازى محەمەد.

کۆمارى گەلى دیموکراتى مەهاباد، قۆناغى وەرچەرخان بوو لە خەباتى گەلەکەماندا، ڕاگەیاندنى کۆمارێک وەک ترۆپکى خەباتى کورد لە ڕۆژهەڵات و هەڵکردنى ئاڵاى کوردستان و سەروەرى گەلەکەمان.

خۆمان بە شەرەفمەند دەبینین کە بۆ هەمیشە پێشمەرگەیەکى ئەو ڕێگا و ڕێبازەبین، دوژمنانى ڕابردوو و ئێستاى خەباتى پێشەوا قازى محەمەد بەردەوامن لە زەبروزەنگ و هێرش و پەلامار، ئێمەش هەمیشە پشمەرگە و ئاڵاهەڵگرى خەباتەى ئەو دەبین.

سەرى ڕێز و نەوازش بۆ قازى محەمەد و دکتۆر قاسملو و هەموو شەهیدانى ڕێگاى ڕزگارى کوردستان دادەنەوێنین.

هەمیشە بەرز و شەکاوەبێت ئاڵای پیرۆزی کوردستان

ئەژی ئەمین
٢٢ی کانوونی دووەمی ٢٠٢٤

بینینی زیاتر

بابەتی هاوشێوە

Back to top button
Close