شوكۆی كوردستان-
وای هەشت مانگ لەدەستپێكردنی خۆپیشاندانەكانی عێراق و مانەوەی بەشێکیان لەگۆڕەپانی تەحریر، خۆپیشاندەرانی عێراق و پەیام و ئامۆژگاری خۆیان بۆ خۆپیشاندەرانی ئەمریكا رەوانە دەكەن.
تائێستاش سەدان خۆپیشاندەر لەمەیدانی تەحریری بەغداد خێمەیان هەڵداوە و هێشتا چاوەڕێی وەڵامدانەوەی داواكارییەكانیانن، لەپەیامێكیشدا دەستخۆشی لە خۆپیشاندانەكانی ئەمریكا دەكەن و ئامۆژگارییان دەكەن كە پەنا بۆ توندوتیژی و وێرانكردن نەبەن.
لەوبارەیەوە، یاسین عەلا، یەكێك لەو خۆپیشاندەرانەی كە تائێستا لەمەیدانی تەحریر مامەوەتەوە بەئاژانسی فرانس پرێسی راگەیاندوە، ” ئەوەی ئێستا ئەمریكییەكان دەیكەن كارێكی ئازایانەیە و پێویستە توڕەیی خۆیان دەربڕن، بەڵام دەبێت بزانن كە توندوتیژی و وێرانكردنی شوێنە گشتییەكان چارەسەر نیە.”
بەهۆی خۆپیشاندانەكانی عێراقەوە 550 كەس كوژران و تائێستاش هیچ كەسێك بەرپرسیارێتی ئەخلاقی بەرامبەر مردنی ئەو كەسانە دەرنەبڕیوە.
خۆپیشاندەرێكی دیكەی عێراق بەهەمان سەرچاوەی راگەیاند، ئەگەر رەشپێست و سپیپێستەكانی ئەمریكا یەكبگرن، ئەوا بەدڵنیاییەوە رەگەزپەرستی وەلادەنێن.
لای خۆشییەوە، حەیدەر كەریم كە كەسوكاری لەئەمریكایە و خۆشی لەمەیدانی تەحریر ماوەتەوە، رایگەیاند، لەئەمریكا شەڕی رەگەزپەرستی هەیە، بەڵام لەعێراق شەڕی سیاسەت و دین هەیە، “كێشەی هاوبەشی ئێمە نا عەدالەتییە كە دەبێت بەهەمومان سەركەوین بەسەریدا.