شكۆی كوردستان-
دامەزراوەی كۆنترۆڵكردن و رێگرتن لە نەخۆشییەكان نەرمی بەرامبەر رێنماییەكانی كردنەوەی قوتابخانە نیشاندا و رایگەیاند، ئەو رێنماییانە تەنها پێشنیارن و فەرمانی سەپاندنیان نیە.
بەگوێرەی هەواڵێكی فرانس پرێس، ئەمرۆ پپێنجشەممە دوای ئەوەی دۆناڵد ترەمپ سەرۆكی ئەمریكا رایگەیاند، ئەو رێنماییانە ” تێچویان زۆرە و جێبەجێشناكرێن” رۆبێرت رێدفیڵد بەڕێوەبەری دامەزراوەی كۆنترۆڵكردن و رێگرتن لە نەخۆشییەكان نەرمی بەرامبەر رێنماییەكانی كردنەوەی قوتابخانە نیشاندا و رایگەیاند، ئەو رێنماییانە تەنها پێشنیارن و فەرمانی سەپاندنیان نیە.
بەڕێوەبەری دامەزراوەی كۆنترۆڵكردن و رێگرتن لە نەخۆشییەكان رونكردەوە كە رێنماییەكانی ئەوان تەنها رێنمایین و داواكراو نین، ئامانج لەو رێنماییانەش بۆ ئاسانكاریكردنە لەكردنەوەی قوتابخانەكان.
ئەم لێدوانەی بەڕێوەبەری دامەزراوەی كۆنترۆڵكردن و رێگریكردن لەنەخۆشییەكان چەند كاتژمێرێك دوای رەخنەكانی ترەمپ هات لەرێنماییەكان و دوای ئەوەی هەڕەشەی ئەوەی كرد كە بودجەی ئەو حكومەتی فیدڕاڵی بۆ قوتابخانەی ئەو ناوچانە رادەگرێت كە بەتەواوەتی دەست بەخوێندن ناكەنەوە.
