ڕۆژنامەکوردستانی

‌”ئه‌و ئایه‌تانه‌ی باس له‌ ئیسرائیل ده‌كەن‌ له‌ پڕۆگرامی خوێندن ده‌رهێنراون”

تایبەت بە رۆژنامەی شكۆى كوردستان-

سه‌رۆكی لێژنه‌ی په‌روه‌رده‌ی ئه‌نجومه‌نی نوێنه‌رانی عێڕاق ڕایگه‌یاند: وڵاتێكی ده‌ره‌كی ئایه‌تێكی قورئانی له‌باره‌ی ئیسرائیله‌وه‌ له‌ناو پڕۆگرامی خوێندن ده‌رهێناوه‌.

موحسن یاسری، سه‌رۆكی لێژنه‌ی په‌روه‌رده‌ی ئه‌نجومه‌نی نوێنه‌رانی عێڕاق‌ ڕایگه‌یاندوه‌، پڕۆسه‌ی خوێندن له‌ عێڕاق له‌ ماوه‌ی ساڵانی ڕابردودا تێكچووه‌ و به‌تایبه‌ت كراوه‌، وایكردووه‌ ژینگه‌ی قوتابخانه‌ بۆته‌ هۆی كه‌مكردنه‌وه‌ی ئاستی خوێندكاران.

ئاماژه‌ی به‌وه‌شكرد، خودی خوێندنگاكان گۆڕانكارییان به‌سه‌ردا نه‌هاتووه‌ و ئاوه‌دان نه‌كراونه‌ته‌وه‌، زۆربه‌یان ته‌نها ته‌خته‌ ڕه‌شێكی داڕماو و كورسیان هه‌یه‌، كه‌ به‌شی نیوه‌ی ژماره‌ی خوێندكارانی پۆله‌كه‌ ناكات.

موحسن یاسری باسی لەوەشکرد، وڵاتی ده‌ره‌وه‌ هه‌یه،‌ كه‌ په‌روه‌رده‌یان له‌ عێڕاق كردوەته‌ ئامانج و گۆڕانكارییان له ‌پڕۆگرامی خوێندنیدا كردوه‌، له‌سه‌ر ئه‌و بنه‌مایه‌ش ئه‌و ئایه‌تانه‌ی كه‌ باس له‌ ئیسرائیلییه‌كان ده‌كه‌ن ده‌ریانهێناوه..

بینینی زیاتر
Back to top button
Close