شكۆی كوردستان-
هەڵبژاردنی سەرۆكایەتی رۆژی 9-ی ئەم مانگە ناڕەزایەتی توندی ئۆپۆزسیۆن و جەماوەری لێكەوتەوە، ئەلێكساندەر لوكاشینكۆ كە لەساڵی 1994-ەوە لەدەسەڵاتدایە بەبراوەی هەڵبژاردنەكە لەقەڵەمدراوە، هەڵبژاردنەكە بەساختە و نادادپەروەری لەلایەن ئۆپۆزسیۆنەوە لێكدرایەوە، خۆپیشاندان دروستبو، وەڵامدانەوەی خۆپیشاندانەكان بەتوندوتیژی و سەركوتكردن خەڵكی زیاتر توڕەكرد، ئەوەش ناڕەزایەتی توندتری بەدواداهات.
هەرچەندە سەرۆكی بیلاروس رەزامەندی نیشاندا لەسەر دابەشكردنی دەسەڵاتەكانی لەگەڵ ئۆپۆزسیۆن، بەڵام هێشتا خۆپیشاندانەكان بەردەوامە و خەڵكی ئەو وڵاتە داوای گۆڕینی دەسەڵات دەكەن.
لەسەر ئاستی نێودەوڵەتیش، پرسی بیلاروس كاردانەوەی زۆری لێثكەوتەوە، یەكێتی ئەوروپا دژی سەركوتكردن و ناڕەزایەتییەكان هاتە دەنگ، هەرچەندە چارلس میشیل سەرۆكی ئەنجومەنی ئەوروپا داوایكرد دەستێوەردانی دەرەكی لە پرسی بیلاروس نەكرێت، بەڵام بەشێكی زۆر لەوڵاتانی كاریگەر ئامادەییان دەربڕیوە رۆژی 23-ی ئەم مانگە بەشداری كۆبونەوەی لوتكەی ئەوروپا دەكەن بۆ تاوتوێكردنی ئەو بابەتە.
حكومەتی روسیاش پشتیوانی حكومەتی بیلاروس دەكات و دژی دەستێوەردانی ئەمریكا و ئەوروپایە.
