زاگرۆس هیوا، وتەبێژی پەیوەندییەكانی كۆما جڤاكێن كوردستان (كەجەكە): لە شەڕی دژی داعش پەكەكە لە شەنگال تا كەركوك بەرگری لە باشووری كوردستان كرد، چونكه بهلاى ئێمهوه هیچ پارچهیهكى كوردستان له پارچهیهكى دیكه گرنگتر نییه
ئا/ شكۆى كوردستان
وتەبێژی پەیوەندییەكانی كۆما جڤاكێن كوردستان (كەجەكە) دهڵێت: “لە شەڕی دژی داعش پەكەكە لە شەنگال تا كەركوك بەرگری لە باشووری كوردستان كرد، چونكه بهلاى ئێمهوه هیچ پارچهیهكى كوردستان له پارچهیهكى دیكه گرنگتر نییه، بۆیه دهمانهوێت ههموو گهلى كورد به ئاشتى و ئازادى بژین”، دهشڵێت: “پەكەكە دژی پەیوەندی ئابوری هەرێم نین لهگهڵ توركیا، به مهرجێك خواستى كورد له باكورى كوردستان لهبهرچاو بگیرێت”.
لە چاوپێكەوتنێكدا لهگهڵ (شكۆى كوردستان) زاگرۆس هیوا، وتەبێژی پەیوەندییەكانی كۆما جڤاكێن كوردستان (كەجەكە) باس له شهڕى گاره و نیازى توركیا له باشوورى كوردستان و خواستى هێز و لایهنه نشتمانییه كوردییهكان دهكات.
وتەبێژی پەیوەندییەكانی كەجەكە، كە باڵی سیاسی پارتی كرێكارانی كوردستان (پەكەكە)یە، تیشك دەخاتە سەر هۆكاری ئەو گرژی و ئاڵۆزییەی كه جارێكى تر لە نێوان پەكەكە و دهوڵهتى توركیا دروستبوه، جەخت لەوەش دەكاتەوە، كه ئەوان لە خەباتی خۆیان بەردەوام دەبن.
وتهبێژی پهیوهندییهكانی كۆما جڤاكێن كوردستان ڕایگهیاند: سوپای توركیا هێرشهكانی بۆ كۆنتڕۆڵكردنى چیای گاره شكستیهێنا لهوهی هێزهكانی لهو ناوچهیه جێگیر بكات.
گوتیشى: “ههر له ڕۆژى یهکهمهوه که ئۆپهراسیۆنى تورکیا دهستیپێکرد ڕامانگهیاند که کهمپى دیلهکان کراوهته ئامانج، ویستمان ڕاى گشتى ئاگادار بکهینهوه تا فشارێک دروست ببێت بۆ ئهوهى گیانى دیلهکان پارێزراو بێت، تهنانهت بنهماڵهى ئهو دیلانهش لێدوانیاندا که تورکیا ئهو هێرشه ڕابگرێت، بهڵام تورکیا بهردهوامى به هێرشهکهدا، دهرکهوت تورکیا بهزهیى به ئهندام و لایهنگرانى خۆشیدا نایهتهوه، ئهمهش ڕوى ڕاستى دهوڵهتى تورکیا ئاشکرا دهکات، ڕۆژێک دێت بکهرانى ئهم تاوانه سزا بدرێن”.
لهبارهى پهیوهندى حكومهتى ههرێمى كوردستان لهگهڵ دهوڵهتى توركیا و ههناردهكردنى نهوتى ههرێم له ڕێگهى توركیاوه، زاگرۆس هیوا گوتى: “پەكەكە دژی پەیوەندی ئابوری هەرێم نین لەگەڵ توركیا و ئێران و حكومەتی مەركەزی، بەڵام پێویستە نەوتی هەرێم پەیوەندی سیاسی و نەتەوەیی گەلی كورد لە نێوان لایەنە كوردییەكان پتەوتر بكات، نەك بۆ بەرژەوەندی تەنها لایەنێك یان بەشێكی كوردستان بێت”.
گوتیشى: “كاتێك باشور پەیوەندی ئابوری لەگەڵ توركیا هەیە و ئەو پەیوەندییە بەناو خاكی باكوردا بێت، پێویستە ڕای گەلی باكور و بارودۆخیان لەبەر چاو بگرێت، چونكە ئەوەی ئێستا لەباكور دەرژێت زیاتر خوێنی گەلی كوردە، نەك نەوتی باشور، بۆیە پێویستە دەستەڵاتی سیاسی هەرێم و گەلی باشور یەكەم شت، ببنە خاوەن هەڵوێست لەبەرامبەر گەلی باكور و نەوت وەك كارت بەكار بێنن و رێگە نەدەن خوێنی كورد بڕژێت”.
لهبارهى یهكدهنگى لایهنه كوردییهكانى له ههر چوار پارچهى كوردستان، زاگرۆس هیوا گوتى: “لە شەڕی دژی داعش پەكەكە لە شەنگال تا كەركوك بەرگری لە باشووری كوردستان كرد، چونكه بهلاى ئێمهوه هیچ پارچهیهكى كوردستان له پارچهیهكى دیكه گرنگتر نییه، بۆیه دهمانهوێت ههموو گهلى كورد به ئاشتى و ئازادى بژین. پێویسته سهرجهم حزب و لایهنهكان یهكدهنگییهك لهپێناو كورد و كوردستان دروست بكهن و هیچ كات به فشارى دهوڵهتێك شهڕ له دژى كوردى پارچهكانى دیكهى كوردستانى گهوره نهكرێت، واته پهكهكه خواستى شهڕى نییه، نه لهگهڵ لایهنه كوردییهكان و نه لهگهڵ توركیا، بهڵام ههمووكات شهڕمان بهسهردا دهسهپێنن و ئێمهش بهرگرى له خۆمان دهكهین”.