کوردستانی

ئاسایشی شاره‌زور ده‌ستگیركردنی باندێكی راگه‌یاند

شكۆی كوردستان-

بەڕێوەبەرایەتی ئاسایشی شارەزور رایگەیاند، لە گوندی سۆسەکانی شارەدێی تەوێڵە کەسێکیان دەستگیرکرد کە دراوی ساختە و دەرمانی قاچاخی پێ بوە و  لە گوندی گریانەش شەش تۆمەتبار کە بەدوای شوێنەواردا گەڕاون دەستگیرکراون.

 حەوت كەسی دەستگیرکران

بەڕێوەبەرایەتی ئاسایشی شارەزور لەراگەیەنراوێکدا باسی لەوەشکردوە، لە چوارچێوەی هەڵمەتی هێزەكانی بەڕێوەبەرایەتی ئاسایشی شارەزور، بۆ نەهێشتنی دیاردەی “دزی و قاچاخچیەتی و پاراستی شوێنەوارەكانی كوردستان” حەوت كەسی دەستگیرکران.

ئەوەش هاتوە، لەڕۆژی 13/7/2021 هێزەكانمان  لەگوندی (سۆسەكانی) لەشارەدێی تەوێڵە، تۆمەتبارێكیان بەناوی  (ب ، و ، ح) بەفەرمانی دادوەر و بەپێی ماددەی 240 یاسایی سزادانی عێراقی  دەستگیركرد.

تۆمەتبارەكە دراوی ساختەی پێ بوە

ئاسایشی شارەزور دەڵێت، تۆمەتبارەكە ئۆتۆمبێلێكی بارهەڵگریی لە جۆری (توێتا لاندگرۆزر پیكاب تاك) دەرمانی تەندروستی بەقاچاخ هەڵگرتبو، دوای پشكنین بڕیی 2 ملیۆن و 475 هەزار دیناری عێراقی لەگەڵ 1200 (هەزار و دوسەد) دۆلاری ئەمریكی ساختە، لەگەڵ دەمانچەیەكی بێ مۆڵەتی پێ بوە، بەبڕیاری دادوەری لێكۆڵینەوەی ئاسایش شارەزور‌، دۆسیەی لێكۆلینەوەی بۆ كراوەتەوە.

لە سنوری ئەو گوندەدا بەدوای شوێنەواردا گەڕاون

ئەوەش خراوەتەڕو، بەپێی ماددەی 63ی شوێنەوار لە گوندی گریانە توانیویانە 6 تۆمەتبار دەستگیر بكەن،‌ کە ئامێرێکی دۆزەرەوەی شوێنەواریان پێ بوە، لە سنوری ئەو گوندەدا بەدوای شوێنەواردا گەڕاون، بەوهۆیەوە دۆسیەی لێكۆلینەوە بۆ تۆمەتبارەكان‌ كراوەتەوە و لێكۆڵینەوە بەردەوامە.

بینینی زیاتر

بابەتی هاوشێوە

Back to top button
Close