شكۆی كوردستان-
هێزەکانی حەشدی شەعبی لەقەزای تارمییەی باکوری بەغدا ماوەی زیاتر لە 12 رۆژە ئۆپراسیۆنێکی فراوانی سەربازییان دەستپێکردوە بۆ کێوماڵکردنی پێگەکانی داعش و ئەمڕۆش رایانگەیاند، دەستیان بەسەر کۆگایەکی چەک و تەقەمەنی داعشدا گرتوە.
دەستی بەسەر کۆگایەکی چەک و تەقەمەنی داعشدا گرت
راگەیاندنی حەشدی شەعبی بڵاویکردەوە، ئەمڕۆ چوارشەممە لیوای 12ـی حەشدی شەعبی دەستی بەسەر کۆگایەکی چەک و تەقەمەنی داعشدا گرتوە کەبۆ ئامانجگرتن و هێرشکردنەسەر هێزە ئەمنییەکان و هاوڵاتیانی مەدەنی ئامادە کراوە.
20ی ئەم مانگەش هێزەکانیان لەلایەن چەکدارانی داعشەوە هێرشیان کرایەسەر
ئۆپراسیۆنی هێزەکانی حەشدی شەعبی بەمەبەستی گەڕان و پشکنین لە قەزای تارمییە دو هەفتەیە بەردەوامی هەیە، کە ناوچەی جیاکەرەوەیە لەنێوان بەغدا، سەڵاحەددین و ئەنبار. 20ی ئەم مانگەش هێزەکانیان لەلایەن چەکدارانی داعشەوە هێرشیان کرایەسەر.
چوار ئەندامی حەشدی شەعبی کوژراون
بەرەبەیانی 20/8/2021، دەستەی حەشدی شەعبی بڵاویکردەوە کە چەکدارانی داعش هێرشیانکردوەتە سەر هێزێکی لیوای 12ـی حەشدی شەعبی لە شارۆچکەی تارمییە لە باکوری بەغدا و بەهۆیەوە چوار ئەندامی حەشدی شەعبی کوژراون و شەشی دیکەش برینداربون.