کوردستانی

به‌هۆی بانگه‌شه‌كردنیان بۆ خۆپیشاندان، ژماره‌یه‌ك چالاكوان و به‌رپرسی باڵای نه‌وه‌ی نوێ ده‌ستگیركران

شكۆی كوردستان-

سەنتەری میترۆ رایگه‌یاند، “ژماره‌یه‌ك چالاكوان و ئه‌ندامی باڵای جوڵانەوەی نەوەی نوێ له‌لایه‌ن هێزه‌ ئه‌منیه‌كانه‌وه‌ ده‌ستگیركراون، ئەم هەڵکوتان و دەستبەسەرکردنانەش پێچەوانەی پرەنسیپەکانی مافی مرۆڤ و یاسا بەرکارەکانی هەرێمی کوردستانن”.

‎سەنتەری میترۆ له‌ڕاگه‌یه‌ندراوێكدا بڵاویكرده‌وه‌، بەگوێرەی ئەو زانیاریانەی لەخێزان و هاڕێیانی چەند چالاكوانێكی جولانەوەی نەوەی نوێ پێمان گەیشتوە، “ئەمڕۆ پێنجشەممە، هێزە ئەمنییەکان هەڵیانكوتاوەتە سەر ماڵی ژمارەیەك  چالاكوان و ئەندامی باڵای جوڵانەوەی نەوەی نوێ، دەستگیریان کردون بەبێ ئەوەی بڕیاری دادگا بخەنەرو، ئەو هێزانە دەستیانگرتوە بەسەر مۆبایلی ئەندامانی  خێزانەکانیان، لە ناویاندا ئایپادی منداڵیشیان بردوە”.

میترۆ ئاگادارە کە نەوەی نوێ هیچ راگەیه‌ندراوێکی رەسمی بڵاونەکردۆتەوە کە هانی توندوتیژی بدات

ئاماژه‌ی به‌وه‌شكرد، “میترۆ ئاگادارە کە نەوەی نوێ هیچ راگەیه‌ندراوێکی رەسمی بڵاونەکردۆتەوە کە هانی توندوتیژی بدات، جوڵانەوەکە داوای لە لایەنگرانی کردوە بە هێمنی رای خۆیان دەرببڕن”.

سەنتەری مێترۆ داوا دەكات ئەو لایەنەی ئەم كردەوانەی  ئەنجامداوە بۆ ڕایگشتی رون بكاتەوە

هه‌ر به‌گوێره‌ی راگه‌یه‌ندراوه‌كه‌، “سەنتەری مێترۆ داوا دەكات ئەو لایەنەی ئەم كردەوانەی  ئەنجامداوە بۆ ڕایگشتی رون بكاتەوە بە چ بڕگەو مادەیەكی یاسایی ئەم هەڵمەتەی ئەنجامداوە، ئەم هەڵکوتان و دەستبەسەرکردنانە پێچەوانەی پرەنسیپەکانی مافی مرۆڤ و یاسا بەرکارەکانی هەرێمی کوردستانە، پێویستە دەستبەجێ ئازادبکرێن”.

بینینی زیاتر

بابەتی هاوشێوە

Back to top button
Close