شكۆی كوردستان-
ئاسایشی رۆژئاڤای کوردستان رایگەیاند، ئەمڕۆ هێزەکانی تورکیا دو ناوچەیان لە رۆژئاوای کۆبانێ و باکوری حەسەکە کردوەتە ئامانج و لە ئەنجامدا منداڵێک شەهیدبوە و پێنج کەسی دیکەش برینداربون.
منداڵێک کوژراوە و پێنج کەسی دیکەش برینداربون
هێزەکانی ئاسایشی رۆژئاڤای کوردستان بڵاویکردەوە، لەچوارچێوەی هێرشە بەردەوامەکانی تورکیا بۆسەر ناوچەکانی دانیشتوان، ئەمڕۆ هێزەکانی تورکیا چەند ناوچەیەکی رۆژئاوای کۆبانێ و باکوری حەسەکەیان کردوەتە ئامانج و لە ئەنجامدا منداڵێک کوژراوە و پێنج کەسی دیکەش برینداربون.
هێرشەکە لەرێگەی تۆپبارانێکەوە کراوە کە تورکیا ئەنجامی داوە
ئەوەش هاتوە، هێرشەکە لەرێگەی تۆپبارانێکەوە کراوە کە تورکیا ئەنجامی داوە و هێرشەکەش شارۆچکەی تل تەمری لە باکوری حەسەکەی بە ئامانگرتوە.
کۆمەڵگەی نێودەوڵەتی و هێزە گەرەنتیکارەکان بەرپرسیارن بەرامبەر هێرشەکان
هێزەکانی ئاسایشی رۆژئاڤای کوردستان دەڵێن، کۆمەڵگەی نێودەوڵەتی و هێزە گەرەنتیکارەکان بەرپرسیارن بەرامبەر هێرشەکان و دروستبونی گرژی زیاتر لە ناوچەکەدا.
فڕۆکەیەکی تورکیا پێگەیەکی سوپای سوریای لە دەروبەری کۆبانێ بۆردومانکرد
لەلایەکی دیکەشەوە ئاژانسی هەواڵی باکور بڵاویکردەوە، فڕۆکەیەکی دیکەی تورکیا پێگەیەکی سوپای سوریای لە دەروبەری کۆبانێ بۆردومانکرد و تائێستاش زیانەکان نەزانراون.