کوردستانی

داواكارییه‌كی رۆژئاڤای كوردستان له‌لایه‌ن حكومه‌تی سوریاوه‌ په‌سه‌ندكرا

شكۆی كوردستان-

سەرۆک وەزیرانی سوریا رایگەیاند، حکومەتی وڵاتەکەیان لەدوای هەڵبژاردنەکانی ئەنجومەنی شارەوانییەکان، بەرەو قۆناغی لامەرکەزی ئیداری هەنگاو دەنێت، لەو رێگەیەشەوە دەسەڵاتەکان بۆ ناوچەکان و شارەکان شۆڕ دەکرێنەوە.

 لایەنەکانی سوریا بۆ تاوتوێکردنی پرسی لامەرکەزیی بۆ داهاتوی حکومڕان کۆبونەوە 

هەفتەی رابردو بە بەشداری بەشێکی بەرچاو لە هێز و لایەنە سیاسییەکانی سوریا، دیداری راوێژکاری لایەنەکان لە شاری قامشلۆی رۆژئاڤای کوردستان بەڕێوەچو، ئامانجی سەرەکی کۆبونەوەکەش تاوتوێکردنی پرسی لامەرکەزیی بو بۆ داهاتوی حکومڕانی لە سوریادا.

 ئیدارەی ناوچەکان  پردی راستەوخۆن لەنێوان هاوڵاتیان و دەوڵەت

حسێن عەرنوس، سەرۆک وەزیرانی سوریا ئەمڕۆ بەشداریکرد لە دەنگدان بۆ هەڵبژاردنی ئەندامانی ئەنجومەنی شارەوانییەکان و لەلێدوانێکدا باسی لەوەشکرد، ئیدارەی ناوچەکان دەسەڵاتی جێبەجێکردنی حکومەتی سوریان و پردی راستەوخۆن لەنێوان هاوڵاتیان و دەوڵەت.

هەنگاو دەنێین بەرەو جێبەجێکردنی سیستمی لامەرکەزی ئیداری

ئاماژەی بەوەشکرد، هەڵبژاردنەکەی ئەمڕۆ قۆناغێکی تازەیە و دوای هەڵبژاردنەکەش ژمارەیەکی زۆری دەسەڵاتە ناوەندییەکان کە لە دیمەشق و ناوەندی پارێزگاکانن، بۆ ئەنجومەنە خۆجێیەکان دەگوازرێنەوە، بەوهۆیەش حکومەت راستەوخۆ هەنگاو دەنێت بۆ جێبەجێکردنی سیستمی لامەرکەزی ئیداری.

کورد لە سوریا  ئیدارەیەکی خۆسەری بونیادنانەوە 

ئەوەش لەکاتێکدایە ئیدارەی خۆبەڕێوەبەری و پارتەکانی رۆژئاڤای کوردستان لە کۆبونەوەکانیان لەگەڵ بەرپرسانی دیمەشق و لایەنە ئۆپۆزسیۆنەکانیش جەختیان لەسەر سیستمی لامەرکەزیی ئیداری کردوەتەوە، بەتایبەت کە کورد لەو وڵاتەدا ئیدارەیەکی خۆسەری بونیادنانەوە و خواستی ئەوەشی هەیە قەوارەکەی لەدەستوری نوێی سوریادا بەرگێکی دەستوری بەبەردا بکرێت.

بینینی زیاتر

بابەتی هاوشێوە

Back to top button
Close