کوردستانی

ئه‌فسه‌رێكی باڵای هێزه‌كانی پێشمه‌رگه‌ گیانی له‌ده‌ستدا

شكۆی كوردستان-

دوای مانه‌وه‌ی بۆ زیاتر له‌ دو هه‌فته‌ له‌ژێر چاودێری وردی پزیشكی له‌ نه‌خۆشخانه‌ی شار له‌ سلێمانی، ئێواره‌ی ئه‌مڕۆ شه‌ممه‌ عەمید عەبدوڵا محەمەد، بەرپرسی راگەیاندنی بەڕێوەبەرایەتیی گشتیی هێزەكانی پێشمەرگەی بەرگری و فریاكەوتن گیانیلەدەستدا.

عەمید عەبدوڵا محەمەد گیانی له‌ده‌ستدا

به‌گوێره‌ی زانیاریه‌كانی خه‌ندان، عەمید عەبدوڵا محەمەد به‌هۆی سه‌ختی برینه‌كه‌یه‌وه‌ ماوه‌ی زیاتر له‌ دو هه‌فته‌یه‌ له‌ژێر چاودێری وردی پزیشكیدایه‌، ئێواره‌ی ئه‌مڕۆش گیانی له‌ده‌ستدا.

خەم و پرسەو پەژارەو ماتەمینیی خۆمان بۆ کۆچی بەڕێزو ئازیزمان عەمید عەبدوڵا محەمەد دەردەبڕین

له‌لای خۆیه‌وه‌، د. هه‌ڤاڵ ئه‌بوبه‌كر پارێزگاری سلێمانی له‌په‌یامێكدا رایگه‌یاندوه‌، “بەناوی پارێزگای سلێمانییەوە، خەم و پرسەو پەژارەو ماتەمینیی خۆمان بۆ کۆچی بەڕێزو ئازیزمان عەمید عەبدوڵا محەمەد دەردەبڕین، داواخوازین خوای گەورە ئارامیی بە هەمو لایەکمان ببەخشێت و جێگای بەهەشت بێت”.

ئێواره‌ی رۆژی 14ی (تشرینی دوه‌م/11)ی 2022 له‌به‌رده‌م ماڵی خۆیان و له‌ناو ئۆتۆمبێله‌كه‌ی له‌گه‌ڕه‌كی ئاشتی شاری سلێمانی، عه‌مید عەبدوڵا جێگرى محه‌مه‌د بەرپرسی راگەیاندنی بەڕێوەبەرایەتی گشتی پێشمەرگەی بەرگری و فریاكەوتن، چه‌ند فیشه‌كێكی نا به‌خۆیه‌وه‌ و به‌وهۆیه‌وه‌ به‌سه‌ختی برینداربو.

تاوه‌كو ئێستا هۆكاری سه‌ره‌كی روداوه‌كه‌ نه‌زانراوه‌، به‌وته‌ی كه‌سه‌ نزیكه‌كانیشی روداوه‌كه‌ خۆكوژی بوه‌، هێزه‌ ئه‌منیه‌كانیش له‌ لێكۆڵینه‌وه‌ی به‌رده‌وامدان له‌سه‌ر ئه‌و روداوه‌.

بینینی زیاتر

بابەتی هاوشێوە

Back to top button
Close