شكۆی كوردستان-
سەرۆکی کۆمسیۆنی پەیوەندییەکانی دەرەوەی یەکێتی ئەوروپا لەبارەی هەڵبژاردنەکانی ئەمریکا رایگەیاند، هیوادارین بەشێوەیەکی ئاشتیانە و بەبێ کێشە دەسەڵات لەئەمریکا رادەستبکرێت.
هیوادارین بەشێوەیەکی ئاشتیانە و بەبێ کێشە دەسەڵات لەئەمریکا رادەستبکرێت دوای راگەیاندنی ئەنجامە فەرمییەکان
ئەمرۆ چوارشەممە لەمیانی کۆنگرەیەکی رۆژنامەوانیدا، جۆزیف بۆرێڵ سەرۆکی کۆمسیۆنی پەیوەندییەکانی دەرەوەی یەکێتی ئەوروپا لەبارەی هەڵبژاردنەکانی ئەمریکا رایگەیاند، هیوادارین بەشێوەیەکی ئاشتیانە و بەبێ کێشە دەسەڵات لەئەمریکا رادەستبکرێت دوای راگەیاندنی ئەنجامە فەرمییەکان.
ئێمەش پەیوەندییەکانمان لەگەڵ ئەمریکا وەک بایەتێکی لەپێشینە دەبینین، خۆمان بە شەریک و هاوپەیمانیان دەزانین
بۆرێڵ راشیگەیاند، جۆ بایدن سەرۆکی راگەیەنراوی ئەمریکا بەنیازی کارکردنە لەگەڵ هاوپەیمانەکانی وڵاتەکەی، ئێمەش پەیوەندییەکانمان لەگەڵ ئەمریکا وەک بایەتێکی لەپێشینە دەبینین، خۆمان بە شەریک و هاوپەیمانیان دەزانین و دەمانەوێت پەیوەندییەکانمان لەسەر بنەمای شەراکەت بێت.
وتیشی، پرسەکانی روبەڕوبونەوەی کۆرۆنا، قەیرانی تەندروستی و پرسەکانی دیکەی پەیوەندیدار بە چین و ناتۆ لەگەڵ ئیدارەی نوێی ئەمریکا تاوتوێدەکەن.
ئاماژەی بەوەشکرد، ئەوان تا 20-ی کانونی دوەم چاوەڕێدەکەن کە ئەو کات سەرۆکایەتی ئەمریکا لەنێوان بایدن و ترەمپدا یەکلایی دەکرێتەوە.