شكۆی كوردستان-
دوای چەند مانگێک لە وەستانی گفتوگۆکانی نێوان هەردولا، بڕیارە هەفتەی داهاتو جارێکی دیکە هەردو شاندی دانوستانکاری روسیا و ئۆکرانیا لە تورکیا کۆببنەوە، لەکۆبونەوەکەدا جگە لە باسکردنی لە راگرتنی شەڕ، پرسی هەناردەکردنەوەی گەنمیش لەرێگەی دەریای رەشەوە تاوتوێ دەکرێت.
هەفتەی داهاتو هەردو شاندی دانوستانکاری روسیا و ئۆکرانیا لە تورکیا کۆدەبنەوە
خوڵوسی ئاکار، وەزیری بەرگریی تورکیا ئەمڕۆ چوارشەممە لە لێدوانێکدا رایگیاند، هەفتەی داهاتو هەردو شاندی دانوستانکاری روسیا و ئۆکرانیا لە تورکیا کۆدەبنەوە و پێداچونەوە بە هەمو دۆسیەکانی پێشو دەکرێت، هەروەها ئەو هەنگاوانە وڵاتەکەی لەنێوان هەردو لایەنی ناکۆکدا گرتویەتیەبەر و دەرئەنجامیان هەیە، لەلایەن هەردو وڵاتەوە واژۆیان لەسەر دەکرێت.
پرسی دوبارە دەستکردنەوە بە هەناردەی گەنم لەرێگەی دەریای رەشەوە تاوتوێ دەکرێت
لەکۆبونەوەکەدا جگە لە نوێنەرانی روسیا و ئۆکرانیا، بەرپرسانی تورکیا و نەتەوە یەکگرتوەکانیش ئامادە دەبن و پرسی دوبارە دەستکردنەوە بە هەناردەی گەنم لەرێگەی دەریای رەشەوە تاوتوێ دەکرێت.
ئۆکرانیا بە گەورەترین هەناردەکاری گەنم لە جیهاندا دادەنرێت
ئۆکرانیا بە گەورەترین هەناردەکاری گەنم لە جیهاندا دادەنرێت و لە سەرەتای هێرشەکانیی روسیاوە بۆسەر کیێڤ، هێزەکانی روسیا ژمارەیەک بۆمبی ئاوی چێنراویان لە چەندین ناوچەی دەریای رەشدا چاندوە و بەوهۆیەش هەناردەکردنی گەنمی ئۆکرانیا راگیراوە.