شکۆی کوردستان-
هێزەكانی پاراستنی گەل هەپەگە كوژرانی 12 سەربازی توركیای لەپێكدادانەكانی ماوەی 24 كاتژمێری رابردوودا راگەیاند.
ناوەندی ڕاگەیاندن و چاپەمەنی هەپەگە، لە ڕاگەیەندراوێكدا دەڵێت “گەریلا لە ماوەی ٢٤ كاتژمێری ڕابردوودا گورزی قورسیان لە سوپای توركیا وەشاندووە”.
راشیگەیاند “لەو چالاكییانەدا، ١٢ سەربازی سوپای توركیا كوژراون و سەربازێكی دیكەش برینداربووە”.
ئاماژە بەوەش دەكات “سەنگەرێك و چەكێكی ئەی ٤ لەناوبرا. گورزیش لە حەفارەیەك و ٤ سەنگەر وەشێنرا”.