ئاسۆ عهبدوللـهتیف
هەر کردەو جوڵەیەکی سەربازیی لە عێراق و کوردستان، بە هێرشەکانی ئەم دواییەی پایتەختی هەرێمی کوردستان و موشەکە درۆنەکانەوە، Drone / الگائره دون گیار، بێ دودڵی و قوڵایی ستراتیژیی، پەیوەندی بە ئایندەی هەڵبژاردنەکانی عێراق و دیاریکردنی هێڵ و ستراتیژو سیاسەتی گشتی شیعەوە هەیە لە عێراق. بەکورتی عێراقی سەردەمی جۆ بایدن دەبێت تەواو جیاواز بێت لە عێراقی ترامپ و سیاسەتی پۆپۆلیزمی مالی و دارایی.
ئەمریکا باش دەزانێت حەوشەی پشتەوەی موشەکەکان کوێیە، باش دەزانێ وەکرو هێلانەکەی کامەیە، دەشزانێت موشەکەکان زادەی چین و کێ و چ دەوڵەتێک مۆتیڤی دەکات، وەلێ لە ئێستا ناخوازێت بەری پێ بگرێت، چونکە ئەمریکا دژی شیعه نییه و جوڵەی خۆی دەکات لە نێوان تورکیاو ئێران و لوبنان و سوریاو پێویستی بە کردنەوەی بەرەی شەڕ نییەو ئەم شەڕە بچوکانەی میلیشیاکان هێزی ئەوەیان نییە رای گشتی دروست بکەن و ستراتیژی ئەمریکا بگۆڕێت بەرامبەر بە پێڕاکێشی و سەرکێشی هەندێک ئەقتابگەلی میلیشیایی شیعیی دەبێت کوردیش پەرچەکرداری نەبێت لەبری ئەوە گفتوگۆی نەرم چارەسەرە تاوەکو زۆرترین کورسی ئایندە مسۆگەر بکات. ئەو موشەکانە دەزانین روخێنەر نین وەلێ دەبێ ستاتۆی هەرێم بەهێزتر بکات، وەک ئەو فیشەکەی گەر نەتکوژێت دەبێ بەهێزترت بکات.
ئەمریکا ئێستا لە گفتوگۆو دیالۆگی ستراتیژیی و جدیدایە لەگەڵ ئێران و عێراق دژی رهفتارو سلوكی هەندێک سەرکێشی و گروپگەلی دهسترۆشتوی ستهمكاری شیعە له ناوچهكه. ئەوەش دەزانن کە ئەو شیعانەی ئێستای عێراق درێژکراوەو ئیمتیدادی وڵاتانی دیکەن و گەراکانی هی جێگای ترن بە نمونەی رەبعەڵڵاو عەسائیب و حیزبوڵڵاو نوجەباو چەندین گروپگەلی تر، بۆیە ئەمریکا موشەک بە موشەک وەڵام ناداتەوە بەڵکو شوێن پێی موشەک هەڵدەگرێت. لە ئەساسەوە گەرەکیەتی مۆدێلەکە دەستکاری بکات بەو موشەکانە. ئەمریکا باشتری لهم شیعهیەی ئێستا دهوێت، شیعەی کۆپی ناوێت وەک سەرئێشە شیعەی دیسپلینخوازو خاوەن بریاریی دەوێت.
راستە ئهمریكا خوازیاری ئهوهیه ئهم دهوڵهته مهزههبیانه لاوازتربكات بۆ مهبهستی بهكارهێنانیان له شهڕی گهورهتری ناوچهكه به سعودیهو توركیاشەوه،ئهگینا ئهمریكا بۆ ئێران یان توركیا ھەم ھاوپەیمانەو ھەم نەیار، دهتوانێ به ئاسانی داشهكان بگۆڕێت.
ئەمریکا ئەزانێت حەوشەی پشت رۆکێت و درۆنەکان کوێیە، گفتوگۆی لەتەک دەکات، یاری دەکات لە جێگایەک، بۆ ئەوەی جوڵەو گوشار بکات لە جێگایەکی تر، شکۆی لە جێگایەکەو ئابوریی لە جێگایەکی تر، پێکەنین و گریانی وەک یەکە، دەوڵەتی کەسایەتی نییە، ئەمریکا مۆدێلت بۆ ناگۆڕێت بۆت پێشنیار دەکات چۆن مامەڵە لەگەڵ قەیران بکەیت وەک ئەوەی لە ئەڤگانستان و سوریاو رۆژاڤا کردی، زاكیرهی كۆن و نوێی ئێمه هێشتا بهرگرییه له سهروهری و ئاڵاو خاك و نیشتیمان، ئهم دۆخه وایكردووه هیچ جۆره جوڵه و ئاكشنێك وهرنهگرین به ئاراستهی تاقیكردنهوهی كردهیهكی دیكه، هەموو نەیارەکانی کوردیش هیواخوازن كورد لهم دۆخی بهرگریهدا بمێنێتهوه، ههر بهرگری بكات له ئاڵاو خاك و سهروهریهكهی دەی چ زیانێکی هەیە؟
كهواته پێویسته دۆخی بهرگریی و مانهوه بهم فۆرم و میتۆدە بگۆڕین به شتێكی دیكه كه ئهویش گوشارو مانۆڕی سیاسی و لۆبیكردن و فێڵی سیاسی و خۆبەدەزگاییکردن و تێگەیشتنە لە رێککەوتن و کۆنتراکتەکان و هەڕەشەی موشەکەکان، کوردیش دەبێت تێبگات لە پشت کەوالیسەکانەوە چی روو ئەدات.